ستّـات بـ شـنبـات

*ملحوظه* كلامى ال هتقراه او هتقريه عبارة عن وجهة نظرى ووجهة نظر ناس متفقه معايا .. ممكن انت كمان تتفق فيها وممكن لأ .

سعد زغلول . قاسم آمين . هدى شعراوى .صفية زغلول .سيزا نبراوى . قاسم آمين. طه حسن. الكاتبه الحقوقيه جرمين غرير .الكاتب الفرنسى الكونت داركور.

الناس دى ياما سمعنا عنهم . اى حوار لتحرير المراه ومساوتها بالرجل تلاقى اسمهم موجود . هما الّ بدأوا بالمناداة بتحرير المرأه وانا زىّ زى الراجل . مفيش فرق بينا . وطالبوا بالمساواة ف الميراث وشويه حقوق كمان .
احنا فعلا المرأه ف مجتعنا ده حقها مهضوم ومعظمنا بيبصلهاعشان شكلها وجسدها بس . مبنعاملهاش زى انسان عادى . بنستعبدها للشهوه مش اكتر!.
تعالو نشوف الغرب كده .. كانو لفتره طويله بيظلموا المرأه وبيستعبدوها . وبعدين قالوا لا احنا لازم نديها حقوقها وبتاع ... وبدأت عمليه التفكير والجتهادات الشخصيه ازاى يتحرروا . وبدأت الناس تطالب ب ده ... ف جت كاتبه حقوقيه اسمها " جيرمين غرير " وكتبت كتاب اسمه " The Female Eunuch "سنة 1969 وبدأت تطالب بحريه المرأه .. واول حق طالبت بيه كان عباره عن " الثورة الجنسيه " بمعنى ان المرأه تستمتع زى ما هيا عايزه زيّنا زيّك يا راجل .. بس بعد 30 سنة ..جت جيرمين غرير وبدأت تفكّر . هل فعلا حققنا المساواة ال كنّا بنّادى بيها طول الفتره ال فاتت دى ؟ جت تبص فعلا . لقت ان الشهوة الجنسيه للرجل هيّ ال اتحرّرت . مش الست .. لقت ان الست استُـعبدت . لو جيت تبص لاختلاف الطبيعة بين الذكر والانثى على مستوى الشهوة . الرجل هو ال بيستمتع ! . انت متخيل ! المطالبه بالمساواة او التسويه أدّت لايه ! .. جرمين غرير كتبت كتاب تانى تقريبا سنه 1999 وقالت انها كانت بتنادى بتحرير المرأه ومساوتها بالرجل عشان تاخد حقها .. لا الوقتى انا بنادى بحق المرأه من خلال اختلافها وانها مختلفه انا مش زىّ زىّ الرجل . 
اتكلمت ف كتابها التّانى . ان من نتيجه الثورة الجنسيه والتحرير والمساواة ال كانو طلبوا بيها .. ان الاماكن اصبحت اماكن جنسيّه . بمعنى .. انّك تشمى ف الشوارع تلاقى صور بنات ورجال فالاعلانات ف الشوارع... مرّه ف مرّه كل ده بيدعوا الانسان ف الجانب الا شعورى بتاعه ل عمليه . اطلاق ابصر بعد كده يبتدى يكتشف ايه ده ؟! ده فيه جمال اكتر وفيه حاجه احلى من ال معايا . تبتدى عملية الخيانة الزوجيه تبتدى .. بعد كده انهيار اسره ومجتمع .
اتكلمت كمان .. ان نتيجه للانفتاح ده . اصبحت المرأه مش راضيه عن نفسها .. لا انا مش هاكل كتير عشان شكلى يكون كذا .. انا هعمل قصة الشعر الفلانيه عشان اعجب كذا او هلبس كذا عشان كذا ...  بدأت المرأه يوصلها مفهوم . انها خلاص بقت سلعة ووسيله اغراء . وان هيا بتحاول وتموت نفسها عشان تعمل اى حاجه عشان تبقى زى ال ف الاعلانات او المجلات... الموضوع ده بدأ ينتج عنّه حالات اكتئاب كتيره واهتمام بالمظهر عن اللزوم . وتخلّى عن المبادئ, بدأت تظهر ثقافة التحرّر والقلع...
البنات بدأت تقلع حجابها وتضيّق ف لبسها . الغرب اكتشفوا ان ده غلط خلاص . وده ال جرمين غرير اتكلمت عنّه . المصيبه ان احنا لـسّه بنعيد الفيلم من اوّله . 
....................................................................
الخلاصه مفيش حاجه اسمها الرجل زىّ الست ... الست احسن من الراجل ف حاجات . والرجل احسن من الست ف حاجات ... الاختلاف هنا هو التميّز
عشان كده ربّنا قال " ليس الذكر كالأنثى " .. وقال كمان " ولا تتمنوا مافضل الله به بعضكم على بعض للرجال نصيب مما اكتسبوا وللنساء نصيب مما اكتسبن "
الموضوع هنا عدل إلهى . العدل ده دوّرى عليه ف دينك هتعرفى قيمتك . مفيش جمعية حقوقية او دوله هتنصفك وترفع من قيمتك زى ما دينك هينصفك .

Follow @Moouussaa

" نـاس "

قـرّب م النّـاس ........نـاس كـتير هـتسأل ع الّ فـ نفسك ونـاس هتسمّـى نـفـسها إسـمك ..روح وسط الناس هتلاقى الّ يـحبّـك...والّ يقـولّـك سـلامو عـليكو عـرفـتك مـن شـكلك... والّ يـخـدك بـالـحضن ويـشيل هـمّـك
وال تقـعدجـنبو مّ الضحك هتالـش لوحدك
مع كل ظرف وحش بـيمروا بيه
كـلمه امـل وراه بتـعـاديه
وحكاوى كـتير ودوشـه ولا الـقعـده على القـهوه …
 هتشوف فيهم وشوش .. وشوش كتيره ... ال متـضايق من حـاجه  ويـقولك فـضّـها سـيره و ال فرحان وال قلقان وال مـبسـوط زعلان .   ... وال بيشقى علشان عياله وراكبه 100 هم وهم .. ويقولك ده رضا انا مبسوط ..هو ده الأهـم .
...........................................................................................
اهداء لأى حـد بـيخاف مـ النّـاس . مـتخـافش وانزل وسط الناس 

Follow @Moouussaa

ومـن التـقاليد مـا قـتل! "دقة قديمة "

انت ليه مربّى شـعرك ... اتسألت السؤال ده اكتر ما سألونى عـن إسـمى .... وكنت برد عادى حاجه تخصنى وحريه شخصية . واول ما اجاوب الإجابة دى تتوالى النصايح عـليّا . يبنى مينفعش . عيب . الناس تقول عليك ايه . ده ابوك راجل محترم  بلا بلا بلا ... وف الآخر بعد ما يخلص اقوله بعد ال قولته ده " انى اربّى شعرى حـرام ؟ " .. لا هو مـش حـرام بس يعنى .... مش حرام تبقى تخرس ومتقفلنيش منك
- دى كانت مقدمة لا بد منها -
معظم الوقت العادات والتقاليد بتهدم طموحات واحلام كتير " مش بتكلم على تربية الشعر " بتكلم عـموما .. لـو عـندك اى فـكره مطرقعه ومتحمس ليها تيجى تـحكيها لـحد .. ولمجـرد ان فـكرتك مـخالفه للعادات والتقاليد تلاقيه يرد عليك يقولك " هيّا حلوه بس يعنى المجتمع والناس و... " من هنا بقا عـندنا شويه عادات وتقاليد عملتلنا " ازمة ف الأفكار " .الناس بـتعارضك مش عـشان فـكرتك فـكره " سـكّه " بس خوفهم هـنا م التغير وانك بتبعد عن العادات والتقاليد
وبقيت بعد كده كل ما يجيلك فكره تـكسل حتى تقولها لحد وتموتها جـوّاك.
إتـقـفـلت ! ؟ ... بس انا عـندى حـل
مـا تـخـليك مُـتمسك بالفكره بتاعتك  .. مـوّت الخوف جـوّاك وقولها حـتى لو الناس هتعارض .. اصل انت لو عـندك ايمان بالفكره .  تقدير الناس للفكره دى جاى جاى متقلقش ... طيب ما تجرب تحط فكرتك دى ع اليوتيوب . لو جالها 1 view  "غيرك طبعا  :D "يبقى انت نـجحت  ... دى مـجرد خـطوة او بداية . ما يمكـن الفـكره ال انت مـكسل تقولها دى تـكون سبب سـعادتك قدام وسبب سـعادة ناس تانيه معاك ويمكن جيل كـامل
الناس ال بتموت فيك الفكره عشان " العادات وتقاليد " مش باقينلك .. فكرتك هيا ال بقيالك . اشتغل عشانها وافكسلهم.
مش عارف تسيب عاداتك ومتمسك بيها لسه ؟ طيب دى فرصه حـلوه انك تربطبين زمـنين . اعمل حاجاه جديدة تبين فيها فكرتك ونظرتك واربط فيها عادات بقالهامئات السنين .. اكيد هتلاقى ف تاريخك اشارتات وعلامات واصاله . خد من عاداتك الكويس ال يساعدك انك تبين فكرتك وعبّر عنها بكل شجـاعة . ويبقى انت كده زوّدت حـاجه لـجيلك .... ومسير الزمن هيـمر وهـيتقال على فكرتك " عادات وتقاليد " .. بس الفكره هنا هتسيب عادات وتقاليد تقفل الناس منك وتحبط جيل جديد جاى . ولا هياخدوا منّك الأصاله ؟

Follow @Moouussaa

دراعـك الّ يـوجـعَـك اقـطـعُـه

عــارف لـما بـكون بحمّـل صفـحـة والنت بـطئ وهتاخد وقت بقفلها على طول مش حتى اعملّـها ريفرش لا بقفلها من باب دراعى الّ يـوجعـنى بـقطـعُـه... هـوّ ده الّ عـايزك تـفهـمه كـويّـس .. ال يقف ف طريقك عـلـشان متوصـلش لـحلمك حـتّـى لو كـان اقرب النّـاس لـيك إفكـسـله ومتـعرفـوش تـانى .ده بردو من بـاب دراعـك الّ يوجـعـك إقـطعه..فــ نـاس فـعلاً كده يبقوا أقـرب النّـاس ليك بـس لـو لـقُوك بدأت تـعمل حـاجة كـويسة يـحـبطوا فيك لـحد ما تـستـسلم وتـتخـلّـى عن حـلمك .ويـفضلوا وراك لـحد مَـاحلمك ده يـموت .أصـل النّـاس دى فـاكرـين البـلد قـرافة كـبـيرة مش للميتين! لا.. للأحلام الميّـتة.. آه فـ صحاب كده. وكـلنّـا بلا إسـثـناء ربّـنا إبـتلانا بـالصحـاب دول..يا إما تـطاوعهم وتـموّت حلـمك وتبقى البـلد قـرافة للأحلام.. او تقطع دراعـك الّ وجعك...  لا يؤمـن أحـدـكم حـتّـى يـحب لأخيـه ما يُـحب لِـنفسه.....أقـولـلك حاجة؟ .... الّ يـطيّـر حِـلـمك .طـيّـر من عـينه النوم وتسيبه ياكل في نفسه لما تحققه

Follow @Moouussaa

وَصـلّوا بالليـل وُ النّـاس نِـيام

تَـخـيّل كـده مـعَايـا ربّنــا بينزلّـك مخصوص السمــاء الدنيا علشان يلبيلك دعاءك ويغفرلك ..مُتخيّــل المشهد ؟ ربنا نازلك إنـت! . هل من تائب ف أتوب عليه هل من مُستغفر فَأغفر له ؟ هل من كذا هل من كذا.. مـتضيعش الفرصة دى من ايدّك .. قوم اقف بين ايد ربّـك واطلب الّ انت عايزه والّ بتتمناه.تنجح . تتجوز.تخلف. تسافر.أىّ حـاجة ..لَـو بتحبها ايه المانع تقُوم تدعى ربّنـا انّه يبعدهـا عنّـك ف الحـرام و يقَرّبـها منّك فـ الحـلال..لَـو فاقـد الأمـل إنّـك تِنـجح السـنه دى ايه المانع تقُوم تدعى ربّنـا انّه ينـجّحـتك بتقديـر كَمـان. مش بعيــدة علَى ربّـك. جــرّبت تـحـسّ طـعم الراحــة فـ السجده ؟ولـمّـا تبكى ع السـجّادة ...طب تخـيل معايـا انّك مبتعمـلش حـاجة صـح فـ حيـاتَك غيـر رَكـعتيتن القيـام دول..لَتمَا تيجى تُعرض عـلـى ربـّك مِش هينـجيك من عـذاب ربنا الا رحـمتُه بيـك لـمّا يخـلى السـجّادة دى تشـهدلـك والمكـان ال كنـت دايمـاً تصـلّى فيه هيـشهدلك .فـ ربنا يشـفعلـك بسبـب رّكعتين فأ جـوف الليل ..قِيـام الليل هَيـنصرَك عَ نفسـك و عَ كُـل حـاجة تقـف طَريـقك  ــوّ ربّنـا نصر المُسلـمِيــن ف الغَزَوات بإيه غِيــر قِيـام الليل هُـوّ فِـيـه احـسن مـن إنّـك تعـتزَل الخَـلـق لِـمُـقابَـلة الـخَالـق ..تِـعرَف أن الـملايكة بتحَـواطَـك وانـت بِتصـلّى عـلَشـان تَسمع تِلاوتـك وازيـزك وبكائك ..إنــت عَـارف إنّـك تقيـم الليل يَعـنى إيـه ؟ يَعـنى رَبـنا إختـارك إنت علـشان تـكلّمه وَتُحادثـه ....هَنـيئـاً لِـمَـن قـام ..وَصـلّوا بالليـل وُ النّـاس نِـيام

Follow @Moouussaa

اتــحـرّشت ؟...و اتبســـط ؟ ...عقبــــال امك !

    تعبان؟ .... مَكبوت.... بيعدّى عليك ايام بتبقى عامل زّى الحيوان ف موسم التزاوج...؟... بتبص للبنت وهيا ماشيه تحسها عايزه تقولك انا اجمد واحدة الساعه واحدة؟.....
>> ما البنات كمان مكبوته ومش عارفه تتجوز الا ما شوفت واحده مثبّته واحد ف الشارع وبتتحرش بيه ولا ما اشوفت واحده مدّت ايدها من العربية وعملت اى حاجه فيك لا مؤاخذه.. لو انت شوفت بنت بتعمل كده هتقول دى بنت ^*%&$ وتستاهل قطم رقبتها .
حط نفسك مكانها ثانيه : شارع فاضى  واحد جه من وراك راكب عربيه مد ايده. وطار بالعربيه... الف سلامه عليك ..بالشفا ياباشا.. ده دى اقل حاجه بتحصلهم.
اقولك حاجه؟
لو انت شايف انّ البنات بتبقى مبسوطَه وانت بتتحرّش بيها ومقتنع ب كده ..يبقى اى واحد يعاكس اختك اوخطيبتك اشكره آيوه اشكره اوى واعزمه كمان لانه خلاها مبسوطه وانت يهمك ايه ف الدنيا غير انها تبقى مبسوطه وفرحانه ولو عايزها تموت م الفرحه خليه يتحرش بيها تانى ولما تكون متضايقه ومخنوقه من نفسها هاتلها اصحابك يتحرّشوا بيها وصدّقنى هتبقى مبسوطه . اقولك حاجَه كمان
             استـــمر . عُقبال امّـــك 

شـوف الحـلقه كـامله مـن هـنا > http://www.youtube.com/watch?v=oMDCFjvW3xM

Follow @Moouussaa

تلت ساعة فى ميكروباص

 

وقف الميكروباص..دخلت .. مش هحكيلكو ع المناظر ال جوه كلها علشان متقفلوش  البتاعه دى وتمشوا. انا مش هحكى غير على كام شخص ال حصلت معاهم المغامره ف التلت ساعه..المهم دخلت ببص على اخر مكان ف الميكروباص ال بيبقى عامل زى الكنبه ده .لقيت بنت شكلها بن ناس مش بتاعت ميكروباصات دى وحلوه فشخ فرحت اوى الصراحة >> كانت قاعده جنب الشباك..وجنب الشباك التانى كان راجل بكرش كبير ونص وشه شنب والمكان ال ف النص بينهم فاضى .. شوفت المكان ده عينى طلعت من مكانها وابتسامه النصر اترسمت على وشى جيت اقعد جنبها .. الراجل ابو كرش لمح نظره الفرحه ف عينى راح ساحب نفسه وقاعد جنبها وقالى اتفضل جنب الشباك يا استاذ اصلى بيجيلى برد م الشباك و صوته سبحان الله يوسف شاهين ... مردتش عليه. يالا اللهم لا اعتراض  وقعدت ف الكرسى ال قدام البنت على طول ولوحدى :/ "قصة حزينه فشخ ".. مفيش ثانيتين وركبت جمبى واحده الحمد لله . روحى رجعتلى تانى والفرحه كانت  باينه ع وشى .. واحد سلفى كان قاعد قاعد باصصلى من اول ما دخلت تحسو عايز يقولى "هتخشو النار يا كفره ".. مركزتش معاه وركزت مع ال قعدت جبنى :D كانت شايله بنتها الصغنونه ع رجلها بس مش مشكله ...تليفون البنت ال ورايا رن .. يا دين امى على ده صوت وربنا انا قولت دى مش بتاعت ميكروباصات ورميت ودانى معاها علشان اسمع المكالمه .. لقيت البنت ال قاعده جنبى طلعت تليفونها وما ادراك ما الصوت .. والروح ال  كانت رجعتلى اتشفطت منى تانى .. وطول الطريق قعدت تكلم واحده اسمها روحية والمكالمه عباره عن " يا روحيه انا نسيت الكيسه ال كان فيها هدوم البت بنتى والعبيان بتاعتى عند محل البقاله بتاع سمير شوفيها والنبى لسه ملبستش م العبيان دى حاجه وبعدين بقولك ازاى سمير يرضى ان مراته تركب التاكسى لواحدها بليل يا عينى بس والنبى كيسه الهدوم يا بيه " طول الطريق كده وغتاته بنتها الصغيره قاعده تشد ف شعرى  وتضحك ام البلاده بتاعت العيال الصغيره ... كل ده كووم والسيو كيوت ال قاعده ورايا كوووم بحاول اسمع حاجه من مكالمتها للأسف صعب . هلاقيها من صوت  البنت ال بتتكلم جنبى ولا صوت الكاسيت الفظيع . كنت  بسمع  منها كلمه حبيبى وحشتنى + هبقى مبسوطه اوى لما اشوفك الوقت انا خلاص وصلت  + تخاطيف كلام منها ملوش لزمه اقولكم سمعت ايه بس ال معرتفش اسمعه كنت بتخيله وارسم صورة ف وحى خيالى العميييييييق لحد ما بدأت احس انها علاقه لا مؤاخذه شمال . قررت انزل وراها . اول ما قالت على جنب لو سمحت كنت راشق ف ديلها مع ان ده مكنش المكان ال المفروض انا انزل فيه بس كله يهون.. نزلت اتصدمت . ال كان مستنيها ووحشته كان ابوهااا عااا راجل عجوز شرخ  كنت عايز اقوله يا عينى ع الحلو لما تبهدله الايام بس واضح ان انا ال اتبهدلت  ... .اوعو تركبو ميكروباصات تانى حاجه مُحن لا مؤاخذه وربنا ميرضاش بالظلم. 

 خلاصة الموضوع متبقاش عيّل مُحن ومتسيئش ظن بالناس . ابعد وشوف الصورة كامله قبل ما تحكم على حد

Follow @Moouussaa